Հնչեղ լարերս՝ տիեզերքից երկիր

Հնչեղ լարերս՝ տիեզերքից երկիր,
Ակորդներ ունեմ աստղային խմբի,
Անտակ ներաշխարհս ուզում է լցվել,
Սոված է հավետ տեզերքի բարքին…
Ձեռքերս դեպի երկինք եմ պարզել,
Հավերժի ծովի վարսերին հասել,
Շոյում եմ նրանց, նրանք էլ՝ հոգիս,
Լցվում եմ այսպես՝կոչված Տիրոջից…
Այն ինչ քաղում եմ՝ վեհ է, անարատ,
Աշխարհում չկա, իզու՜ր եք փնտրում,
Տրվում է նա ինձ, ես էլ՝ ձեզ բերում,
Սպասվա՜ծ այնտեղ, բայց հյուր եմ կյանքում………

Ձմռան մնացած խունացած տերև

Ձմռան մնացած խունացած տերև,
Դու էլ ինձ նման ձմեռ ես ապրել,
Նորից աշխարհին գարունն է բացվել,
Տաք օդ ,կեսօրին ,ինձ ու քեզ տրվել:
Կյանքդ ապրել ես, իզուր ես կառչել,
Քո ծառը հղի նոր սերունդ կտա,
Բայց քոնը անցավ արբունքի նման
Իզուր ես կառչել, մայր հողիդ գնա…
Անթիվ տերևներ՝ հերթի սպասող,
Բողբոջ են դարձել ու դուրս են գալիս,
Ընկար ծառիդ տակ դու էլ հող դարձիր,
Որ սնես նրանց քո ջերմ անցյալից:…